АНУ-д зохион байгуулагдсан "UAAA GlOBAL CUP 2026" сампин, цээж тооллын аварга шалгаруулах тэмцээнд Өмнөговь аймгийн Даланзадгад сумын 2-р сургуулийн 5а ангийн сурагч Гантулгын Анужин оролцож, цээж тооллын төрөлд "С" ангилалд олон улсын шилдэг хүүхдүүдтэй өрсөлдөн тэргүүлж, аваргын алтан цомын эзэн боллоо. Түүнчлэн "FLASH ANZAN" төрөлд алтан медаль хүртжээ.
Flash Anzan гэж юу вэ?
Энэхүү төрөл нь хүний тархины зураглан бодох чадвар, харааны ой тогтоолтыг дээд цэгт нь шалгадаг. Дэлгэц дээр маш өндөр хурдаар солигдох олон оронтой тоонуудыг сампин ашиглахгүйгээр, зөвхөн оюун ухаандаа зураглан нэмж, хасаж боддог техник юм. Г.Анужин энэ төрөлд алтан медаль авсан нь түүнийг дэлхийн хэмжээний "оюуны мастер" гэдгийг илтгэж байна. Энэхүү бахархам амжилт нь Монгол Улсын нэр хүндийг олон улсад өндөрт өргөж, 2026 оны оюуны спортын түүхэнд нэгэн шинэ хуудас нэмлээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!