Саудын Арабын Аль-Кассим хотноо зохион байгуулагдаж буй засмал замын дугуйн Ази тивийн аварга шалгаруулах тэмцээний мастер ангиллын ганцаарчилсан уралдаанд манай ахмад дугуйчид хоёр алт, хоёр хүрэл медаль хүртлээ.
Тодруулбал 66-69 насны ангилалд ОУХМ Г.Анхбаяр тэргүүлж, Азийн аваргын найм дахь алтан медалиа зүүсэн бол 55-59 насны ангилалд ОУХМ Д.Шинэбаяр тивийн аваргын хоёр дахь алтаа авч, төрийн дууллаа эгшиглүүллээ. Мөн 55-59 насны ангилалд С.Түмэндэмбэрэл, эмэгтэйчүүдийн 45-49 насны ангилалд Д.Эрдэнэтуяа нар тус тус хүрэл медаль хүртэв.
Дасгалжуулагч А.Алтансүхийн удирдлага дор оролцож буй манай улсын 23 тамирчин ийнхүү Азийн шилдгүүдтэй эн тэнцүү өрсөлдөж байна.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!