Хүүхдийн ёс суртахууны ухамсар бидний төсөөлж байсанаас эрт буюу 6 сартайгаас бүрэлдэж эхэлдэг

Шинжлэх ухааны судалгаагаар нийгмийн болон ёс суртахууны ухамсар нь бидний өмнө нь төсөөлж байснаас хамаагүй эрт бүрэлдэж эхэлдэг болохыг тогтоожээ.
Ердөө зургаан сартай нярай хүүхдүүд бусдын зан үйлийг үнэлж, тусархуу хүмүүсийг ялган таньж чаддаг бөгөөд энэ нь хожим ёс суртахууны талаарх дүгнэлт хийх суурь болдог байна.
АНУ-ын Ель Их Сургуулийн (Yale University) Сэтгэл судлалын тэнхимийн дэргэдэх "Baby Lab" төвөөс явуулсан цуврал туршилтаар үүнийг баталсан байна.
Уг судалгаагаар зургаан сартай нярай хүүхдүүдэд нэгэндээ уулан дээр гарахад нь тусалж буй болон саад болж буй хүүхэлдэйнүүдийг харуулжээ. Үр дүнд нь нярай хүүхдүүдийн 80 хувь нь "туслагч" хүүхэлдэйг сонгон авч, эелдэг харилцааг өөрийн зөнгөөрөө мэдэрдэг болохыг баталсан байдаг.