Казах ард түмний бүргэдээр ан хийх уламжлал ойролцоогоор 1,000–2,000 жилийн өмнөөс Төв Азийн нүүдэлчдийн дунд үүссэн гэж судлаачид үздэг.
Монголын баруун бүс, ялангуяа Алтай нуруу орчмын ястангууд энэ уламжлалыг өнөө хүртэл хадгалсаар байна. Бүргэдийг анчин болгож сургах нь эр зориг, тэвчээр, ур чадварыг илтгэдэг. Сайн бүргэдчин (беркутчи) нь нийгэмдээ хүндтэй байр суурь эзэлдэг байна.
Монголчууд “Бүргэдийн баяр”-ыг жил бүр уламжлал болгон зохион байгуулдаг билээ.
Энэ жил “Бүргэдийн баяр-2026” арга хэмжээг өргөжүүлж, анх удаа Дэлхийн аварга шалгаруулах тэмцээн болгон зохион байгуулахаар болсон байна. Тус наадам гуравдугаар сарын 7-8-ны өдрүүдэд Чингис Хааны Хүрээ аялал жуулчлалын цогцолбор-т болох юм.
Энэхүү баярыг үзэхээр ирж буй жуулчдад уламжлалт хувцас, ан авын ур чадварын үзүүлбэрийг нэг дороос үзэх боломж олгож, нүүдэлчдийн соёлыг дэлхийд таниулах томоохон үйл явдал болох юм.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!