Монгол оюутан Санжаажавын Тамираа Монгол залуусын англи хэлний бичгийн ур чадварыг хөгжүүлэх “Nomadvocate Youth Civic Writing Lab” төсөл хэрэгжүүлж байна. Энэхүү санаачилга нь нийгмийн боломж бага, хөгжлийн бэрхшээлтэй, хөдөө орон нутагт амьдардаг залуучуудад өөрсдийн хоолой, санаа бодлоо илэрхийлэх ур чадварыг дээшлүүлэхэд чиглэсэн байна.
С.Тамираа АНУ-ын “Wesleyan University” Уэслианы их сургуульд суралцаж байгаа бөгөөд 2024-2025 оны Оюутны улс төрийн идэвхжилийн сан (PEF)-гийн тэтгэлгийн эзэн болжээ. 2025-2026 оны PEF тэтгэлгээр Уэслианы оюутнууд $5,000 хүртэлх санхүүжилт авах боломжтой байгаа аж. Энэхүү тэтгэлэг нь оюутны иргэний оролцоо, олон нийтийн ажилд идэвхтэй оролцсон зэрэг үзүүлэлтээр олгогддог байна.
2025 оны зун Улаанбаатар хотод 30 сурагчийг нэг сарын турш ярих бичих, хэлэлцүүлэгт төвлөрсөн сургалтад хамруулсан бол өвлийн онлайн сургалтандаа 180 гаруй сурагч, 20 сайн дурын ажилтныг хамруулжээ. С.Тамираа PEF тэтгэлэгт авсан шагналын мөнгөөрөө энэ төслийн үйл ажиллагаагаа явуулжээ. Тамираа Уэслианд суралцаж эхлэхдээ Монголын сургалтын хөтөлбөрийн ялгаанаас болж өөрийн үзэл бодлоо бичгээр илэрхийлэхэд бэрхшээлтэй тулгарч байсан нь энэхүү төслийг эхлүүлэх шийдвэр гаргахад хүргэсэн байна. Тэрээр 2027 онд Уэслианы их сургуулийг төгсөх бөгөөд энэ төсөл нь цаашид мөн үргэлжлэх юм байна.
Эх сурвалж: www.wesleyan.edu
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!