Пакистаны тал баасан гарагт шилжих шөнө Афганистаны томоохон хотууд дахь байнуудыг цохилт өгсөн тухай Пакистан болон Талибаны албаны хүмүүс мэдээллээ.
Хоёр орны хооронд олон сарын турш үргэлжилсэн хурцадмал байдал болон хилийн мөргөлдөөний дараа ийнхүү тулаан эрчимжиж байна. 2026 оны 2 дугаар сарын 26-нд Талибаны зэвсэгт хүчин Хайбер-Пахтунхва муж дахь Пакистаны хилийн заставууд руу өдөөн хатгаж гал нээсний хариуд Пакистаны зэвсэгт хүчин тухайн шөнөдөө Афганистаны нийслэл Кабул болон Кандагар хот дахь Талибаны төв штаб, зэвсгийн агуулахуудад хүчтэй агаарын цохилт өгчээ.
Энэхүү харилцан цохилтын улмаас Пакистаны талаас 130 гаруй дайчныг устгасан гэж мэдээлсэн бол, Афганистан үүнийг тусгаар тогтнолд халдсан ноцтой үйлдэл хэмээн буруутгаж, Пакистаны 50 гаруй цэргийг хөнөөснөө мэдэгдээд байна. Олон улсын хамтын нийгэмлэгээс талуудыг нэн даруй галаа зогсоож, хэлэлцээрийн ширээнд суухыг уриалж байгаа ч бүс нутгийн аюулгүй байдалд заналхийлсэн нөхцөл байдал намжаагүй байна. Энэхүү үйл явдлын гол шалтгаан нь олон жил үргэлжилсэн хоёр улсын хилийн маргаан бөгөөд 2021 онд Талибанчууд засгийн эрхэнд гарснаар дахин сэргэсэн юм. Улмаар 2025 оны 10 дугаар сарын цуст мөргөлдөөнөөс хойш тасралтгүй даамжирсан хурцадмал байдал өдгөө ийнхүү дээд цэгтээ хүрчээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!