АНУ-ын Ерөнхийлөгч Donald Trump өөрийн Truth Social хуудсандаа экс Ерөнхийлөгч Barack Obama болон Michelle Obama нарыг Air Force One онгоцонд суух гэж буй мэтээр дүрсэлсэн, граффитигаар сараачсан онгоцтой эвлүүлэг зураг нийтэлжээ.
Зурагт Обамагийн сонгуулийн уриа болох "Yes We Can", "BLM" (Black Lives Matter) болон араб хэлээр "Алхамдулиллах" гэх бичгийг онгоцон дээр зурсан байдлаар харуулсан байна. АНУ-д граффитийг хар арьст иргэдийн эсрэг ялгаварлан гадуурхах өнгө аястай бэлгэдэл болгон ашигладаг талаар шүүмжлэл гарчээ.
Энэ нь Трамп өнгөрсөн хоёрдугаар сард Обамагийн гэр бүлийг сармагчинтай зүйрлэсэн зураг нийтэлж, хүчтэй эсэргүүцлийн дараа устгуулсан үйл явдлын дараах шинэ маргаан болов.
Цагаан ордон уг нийтлэлтэй холбоотой тайлбар өгөөгүй бөгөөд Обамагийн төлөөлөгчид ч мөн хариу мэдэгдэл хийгээгүй байна.
Трамп өмнө нь мөн Чикаго дахь Barack Obama Presidential Center-ийн зургийг эвлүүлэн нийтэлж, Обамаг удаа дараа хувийн шинжтэйгээр шүүмжилж ирсэн юм.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!