Хүүхэд, өсвөр үеийнхний санал бодлыг сонсож, тэдний оролцоонд тулгуурласан санал, зөвлөмжийг нэгтгэн гаргах зорилготой “Бидний дуу хоолой” хүүхдийн зөвлөгөөн зохион байгуулагдлаа. Зөвлөгөөнөөр хүүхдийн эрх, боловсрол, эрүүл мэнд, цахим орчны аюулгүй байдал зэрэг асуудлаар оролцогч хүүхдүүд санал солилцож, үе тэнгийнхнийхээ дуу хоолойг нэгтгэн бодит санал дэвшүүлсэн байна.
Энэхүү зөвлөгөөнийг Говь – Алтай аймгийн Есөнбулаг сумын 3 дугаар сургуулийн санаачилгаар 2026 оны 3-р сарын 4-нд зохион байгуулж, аймаг, сум, сургуулийн төлөөлөл болсон хүүхдүүд оролцсон юм. Зөвлөгөөний үеэр илтгэл, хэлэлцүүлэг, нээлттэй ярилцлага өрнүүлж, хүүхдүүд тулгамдсан асуудал, шийдвэрлэх боломжит гарцын талаар байр сууриа илэрхийлжээ.
“Бидний дуу хоолой” зөвлөгөөн нь хүүхэд бүрийн оролцоог дэмжиж, тэдний үзэл бодол, санаачилгыг бодлого, шийдвэрт тусгах ач холбогдолтой арга хэмжээ болсноороо онцлог юм.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!