Эерэг өнцөг: Мөрийтэй тоглоом шиг болсон энэ талбарт мөрөөдлөө марталгүй, мөн чанарыг эрхэмлэн дээдлэх нь зүйтэй. Монгол хүний үнэн хурц ухаанаар, нийгмийн оюун санааг соён гэгээрүүлж, гэгээн амгалан эх орондоо гэрэл түгээж ажиллацгаая.
“Сэтгүүлчийн ажил арилжаа наймаанаас илүү үнэтэй, улс төрөөс илүү хүчтэй уриалан дуудах агуу урлаг юм” хэмээн нэрт сэтгүүлч Ц.Балдорж агсан нэгэнтээ хэлсэн билээ.
Монгол эх оронд 1913 оны гуравдугаар сарын 6-нд Шинэ толь хэмээх бичиг сонины анхны дугаар хэвлэгдэн гарсан нь манай орны хэвлэл мэдээллийн салбарын эхлэл болсон.
Тус сонины дугаар нь 50 орчим хуудастай, 500 хувь хэвлэгдэн төрийн байгууллагуудад түгээгдэж, цөөн тоогоор иргэдэд худалдаалагддаг байсан түүхтэй.
Энэ цагт эерэг, сонирхолтой, хүнд хэрэгцээтэй бүхнийг түгээхийг зорьж буй Page Newspaper-ийн хамт олноос үе үеийн сэтгүүлчид, хэвлэл мэдээллийн салбарын нийт ажилтан та бүхэнд Үндэсний сэтгүүл зүйн ойн баярын мэнд хүргэе. 1993 онд болсон Монголын сэтгүүлчдийн их хурлаар гуравдугаар сарын 6-ны өдрийг “Сэтгүүлчдийн өдөр” болгон тэмдэглэхээр шийдвэрлэжээ.
Соён гэгээрүүлэх их ажилд нь амжилт хүсье, сайхан баярлаарай.
Нийтлэлч:Н.Ганаа
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!