Энэ долоо хоногт АНУ-ын Мичиган болон Оклахома мужуудад 13 удаагийн хүчтэй хар салхи дэгдэж, 8 хүний амь эрсэдлээ. Уг байгалийн гамшигт үзэгдэл одоогоор зүүн зүг рүү шилжиж, Миссисипи болон Охайогийн хөндийг чиглэн аюул учруулсаар байна.
Цаг агаарын ноцтой нөхцөл байдлын улмаас улсын хэмжээнд 1000 гаруй нислэг цуцлагдаж, Атланта, Даллас, Нью-Йорк зэрэг томоохон хотуудын нисэх буудлуудын үйл ажиллагаа доголдлоо. Техасаас Миссисипи хүртэлх бүс нутагт цаг агаарын аюулын түгшүүр зарласан бөгөөд хүчтэй шуурга, том хэмжээний мөндөр орох төлөвтэй байна.
Үндэсний цаг уурын албаны мэдээлснээр Мичиган мужийн Три Риверс болон Оклахомагийн Беггс хотууд хар салхинд хамгийн хүнд өртөж, байшин барилгууд их хэмжээний хохирол амсжээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!