Үдлэг багийн өмнөх сургууль 1997 онд баригдсан сүрлэн хийцтэй барилга байснаас ашиглалтын шаардлага хангахгүй болж, дулааны алдагдал ихтэй болсон тул өнгөрсөн оны зургаадугаар сард нураажээ.
Тус багт 6–11 насны 150 гаруй хүүхэд амьдардаг бөгөөд өмнө нь тэдний нэлээд нь Улаанбаатар хот болон сумын төвд явж суралцдаг байжээ. Харин шинэ сургууль ашиглалтад орсноор хүүхдүүд гэртэйгээ ойр орчинд суралцах боломж бүрдээд байна.
Боловсролын яам болон НҮБ-ын Хүүхдийн сангийн хамтран хэрэгжүүлж буй “Багийн бага сургууль” санаачилгын хүрээнд тав дахь сургууль ийнхүү нээлтээ хийлээ. Энэ хүрээнд 2025 онд Ховд, Увс, Сэлэнгэ аймгийн багуудад 75 хүүхдийн хүчин чадалтай багийн бага сургуулиуд байгуулсан юм.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!