Монголын үндэсний болон сонгодог урлагийн шилдэг уран бүтээлчид Австри улсын Вена хотод “Authentic Mongolia” тоглолтоо үзэгчдэд хүргэнэ. Тоглолт гуравдугаар сарын 14-нд Й.Гайднын нэрэмжит концертын танхимд, 15-нд Й.Брамсын “Алтан танхим”-д, дараа нь Граз, Линц хотын нэр хүндтэй танхимуудад үргэлжилнэ.
Уг тоглолтыг Монголын найрал хөгжмийг дэмжигчдийн холбооны тэргүүн, удирдаач УГЗ Н.Буянбаатар санаачилж, Австрийн “Rieder Promotions” компанитай хамтран зохион байгуулж байна. Монголын 15 шилдэг уран бүтээлч, өсвөрийн хөгжмийн чадвартай сурагчид бүтээлээ эгшиглүүлнэ.
3-р сарын 14-нд болох тоглолтын тасалбар бүрэн зарагдсан нь Монголын урлагийн чанар, соёлын үнэ цэнийг дэлхийд үнэлж байгаагийн илрэл юм. Энэхүү аялал Монгол урлагийг дэлхийн үзэгчдэд сурталчлах, соёлын гүүр болохуйц томоохон амжилт болж байна.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!