Хойд Солонгосын удирдагч Ким Жон Ун 3-р сарын 14-ний өдөр 600 мм-ийн хэт нарийвчлалтай 12 пуужин харвагчийн сургуулилалтыг охины хамт биечлэн удирдлаа.
Энэхүү зэвсэг нь 400 км-ийн зайд байгаа дайсны дэд бүтцийг устгах чадалтай бөгөөд тактикийн цөмийн цэнэг тээвэрлэх боломжтойг Пхеньян баталсан юм.
Туршилтын үеэр арав орчим пуужин зүүн тэнгис рүү харвасныг Өмнөд Солонгосын Үндэсний аюулгүй байдлын зөвлөл Хойд Солонгосын аливаа баллистик ажиллагааг хориглосон НҮБ-ын Аюулгүйн Зөвлөлийн тогтоолуудыг зөрчсөн "өдөөн хатгалга" гэж тодорхойлсон байна.
Хойд Солонгосын төрийн мэдээллийн Солонгосын төв цахилгаан мэдээний агентлагийн мэдээлснээр, Ким Жон Ун уг систем нь Өмнөд Солонгосыг бүхэлд нь онилж, хөнөөлт хүчээ харуулах зорилготойг онцолжээ. Энэхүү алхам нь АНУ болон Өмнөд Солонгосын хамтарсан цэргийн сургуулилалтад өгч буй хариу үйлдэл гэдгийг албаныхан хэлжээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!