Ойрх Дорнодын мөргөлдөөн шинэ түвшинд гарч, Иран улс анх удаа хөрш орнуудынхаа иргэний эдийн засгийн байгууламжууд руу шууд халдана гэж анхаарууллаа.
Ираны зэвсэгт хүчин Арабын Нэгдсэн Эмират Улсын (АНЭУ) стратегийн чухал боомтууд болох Жебель Али, Халифа болон Фужайра-г "хууль ёсны бай" гэж зарлан, тэнд ажиллаж буй иргэдийг яаралтай нүүн шилжихийг шаардлаа.
Энэхүү алхам нь АНУ-ын Ерөнхийлөгч Дональд Трамп Ираны газрын тосны экспортын гол зангилаануудыг "арчиж хаяна" гэж мэдэгдсэний хариу болж байна.
Ням гарагт 03-р сарын 15 нд Ираны улс Персийн булангийн орнууд руу пуужин болон дроны шинэ давалгаа илгээлээ. Бахрейн, Саудын Араб болон АНЭУ-ын агаарын довтолгооноос хамгаалах системүүд эдгээр пуужингуудыг амдан устгахаар ажиллаж байгаа гэдгээ мэдэгдлээ.
Саудын Арабын Батлан хамгаалах яамнаас мэдээлснээр, тус улсын агаарын довтолгооноос хамгаалах систем нийслэл Эр-Рияд хот болон зүүн бүс нутагт 10 дроныг амдан устгажээ.
Бахрейн улс Ираны дайралт эхэлснээс хойш нийт 125 пуужин, 203 дроныг амдан устгасан тухайгаа мэдэгдэв. Эдгээр агаарын цохилтуудын улмаас Бахрейнд хоёр хүн, хөрш зэргэлдээ Персийн булангийн орнуудад 24 хүн амь үрэгдээд байна.
Эх сурвалж: Euronews
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!