ХБНГУ-д нэг литр дизель түлшний үнэ 2.13 евро байгаа бол хил залгаа Польш улсад 1.58 евро байна. Үнийн энэхүү 46 центийн зөрүүг ашиглахын тулд Германы мянга мянган жолооч хил даван Польш улсыг зорих болжээ. Үүний улмаас хилийн бүс дэх Польшийн шатахуун түгээх станцуудын нөөц эрс багасаж, зарим нь үйл ажиллагаагаа зогсооход хүрээд байна.
Тэгвэл энэхүү үйл явц үүгээр зогссонгүй. Польшийн өмнөд хэсгийн жолооч нар шатахуун харьцангуй хямд байгаа Словак улс руу цувж эхэлснээр Европын гурван улсыг дамнасан гинжин урвал үүслээ.
Энэхүү нөхцөл байдал нь Иран улс дэлхийн газрын тосны нийлүүлэлтийг хязгаарласантай шууд холбоотой юм. Өнгөрөгч хоёрдугаар сараас хойш дизель түлшний үнэ дэлхийн зах зээлд 24 хувиар огцом өссөн нь тээвэр, логистик цаашлаад өргөн хэрэглээний бараа бүтээгдэхүүний үнэд хүндээр тусаж эхэллээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!