Ираны Хувьсгалт гвардийн корпус (IRGC) Израилын Тель-Авив болон бүс нутаг дахь АНУ-ын цэргийн баазуудад пуужингийн цохилт өгснөө албан ёсоор мэдэгдлээ. Тус байгууллага уг ажиллагааг "бүрэн амжилттай" болсон хэмээн онцолсон юм.
Ираны зэвсэгт хүчин нэг цагийн дотор Израилын нутаг дэвсгэр рүү пуужингийн тав дахь давлагааг харваж, халдлагаа эрчимжүүлжээ. Израилын "Channel 12" сувгийн мэдээлснээр, үүнтэй зэрэгцэн Иерусалим, Галилей болон Хайфа хотуудад агаарын түгшүүрийн дохио дуугарч, иргэд хоргодох байранд шилжсэн байна.
Ираны талаас энэ удаагийн цохилтод олон хошуутай хүнд баллистик пуужингууд болон дрон ашигласнаа мэдээлж, агаарын дайралт үргэлжилж байгааг анхааруулав. Агаарын довтолгооноос хамгаалах системээр устгагдсан пуужингийн хэлтэрхий Хайфагийн булан болон хойд зүгийн Шфарам хотын орчимд унажээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!