Ховд аймагт байгаль орчныг хамгаалах, ногоон байгууламжийг нэмэгдүүлэх зорилготой

Ховд аймагт байгаль орчныг хамгаалах, ногоон байгууламжийг нэмэгдүүлэх зорилготой “Нэг хашаа–10 мод” уриалга, санаачилгыг хэрэгжүүлэхээр боллоо.

Жаргалант суманд зохион байгуулсан “Төлөөлөгчдийн өдөр” арга хэмжээний үеэр уг санаачилгыг дэвшүүлсэн бөгөөд аймгийн Иргэдийн Төлөөлөгчдийн Хурлын Ажлын алба, Байгаль орчны салбарын байгууллагууд хамтран оролцжээ. Тус уулзалт “Эртэч төлөөлөгч–Эко аймаг” сэдвийн хүрээнд болж, байгаль хамгааллын тулгамдсан асуудлуудаар санал солилцсон байна.

Хэлэлцүүлгийн үр дүнд Буянт голыг хамгаалах бодлого боловсруулах, усны нөөцийн судалгаа, тооллого хийх, ашиглалтын төлбөрийг нэмэгдүүлж зориулалтын дагуу зарцуулах, малын тоо толгойн татварыг өсгөх зэрэг саналууд гарчээ. Мөн хот суурин газрын ногоон байгууламжийг нэмэгдүүлэх хүрээнд айл өрх бүрийг мод тарихыг дэмжих, урамшуулах арга хэмжээг хэрэгжүүлэхээр тохиролцсон байна.

Ийнхүү “Нэг хашаа–10 мод” санаачилга нь орон нутгийн иргэдийн оролцоонд тулгуурлан байгаль орчныг хамгаалах, хотын ногоон хөгжлийг дэмжих бодит алхам болохоор байна.