Өчигдөр нойл ороод Н.Учралд загнуулж, өнөөдөр нойл орохдоо Энхтүвшинд тонгоруулсан Т.Даваадалай гэж хэн бэ

Нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч Түмэндалайн Даваадалай ойрын өдрүүдэд Ордон орох бүртээ загнуулах боллоо.

Туулын хурдны замын эсэргүүцэлтэй үед тэрээр өөрөө мөн бусдыг үл тоох харилцаа хандлага гарган шүүмжлэлд өртсөөр байгаа юм.

Тухайлбал, өчигдөр Ерөнхий сайд Н.Учралд загнуулсан бол өнөөдөр түүнийг УИХ-ын гишүүн шарк Энхтүвшин тонгорч унагалаа. 

Т.Даваадалай нь инженер мэргэжилтэй, 2006-2011 онд ОХУ-ын Санкт-Петербург хотын Санкт-Петербургийн Зам Харилцааны Их сургуулийг зүтгүүрийн аж ахуйн инженер мэргэжлээр төгссөн. 2015-2017 онд Австралид менежмент мэргэжлээр магистрын зэрэг хамгаалжээ.

 Түүний ажилласан байдал:

• 2011-2015 онд Улаанбаатар төмөр замын ХНН-ийн туслах машинч, засварын хүлээн авагч, машинч, засварын инженер

• 2016 онд “UniCar” старт-ап үүсгэн байгуулагч

• 2017 онд “Батс-Өргөө” ХХК-ийн ОТ сайт менежер

• 2018 онд “Аплайс Монгол” ХХК-ийн бизнес хөгжлийн менежер

• 2020 онд “Дава Бизнес Консалтинг” ХХК-ийн захирал

• 2020 онд “NCСS ХХК”-ийн ОТ төслийн менежер

• 2019-2021 онд “Вагнер Ази” ХХК-ийн  техникийн зөвлөх багийн менежер

• 2021 оноос  “Бодь Интернэшнл” ХХК-ийн “Тавантолгойн нүүрс ачих логистикийн төв” төсөл хариуцсан захирал

• 2022 оноос “Бодь” группийн R&D төвийн даргаар ажиллаж байсан  аж.