Японы хуучин тансаг хэрэглээний зах зээл чанар сайтай, ховор загварын бүтээгдэхүүнээрээ алдартай ч гадаад худалдан авагчдад хүрэхэд хүндрэлтэй байсаар ирсэн. Харин ZenLuxe платформ энэ асуудлыг шийдэж, Японы 100 гаруй мэргэжлийн дэлгүүрийн барааг нэг дороос дэлхий даяар худалдаалах боломж бүрдүүлж байна.
Тус платформоор дамжуулан хэрэглэгчид Киото, Осака, Гинза зэрэг хотуудын дэлгүүрээс Hermès, Chanel, Louis Vuitton зэрэг брэндийн vintage цүнхийг нэг сагсанд хийж, нэг дор төлбөр төлөх боломжтой аж.
ZenLuxe-ийн онцлог нь барааг шууд илгээхээс өмнө хиймэл оюунд суурилсан Entrupy баталгаажуулалтын системээр шалгадагт оршино. Энэ нь арьсны бүтэц, оёдол, металл эд анги зэрэг нарийн үзүүлэлтээр жинхэнэ эсэхийг нягталж, хуурамч бүтээгдэхүүнээс сэргийлэх зорилготой.
Мөн англи хэл дээрх үйлчилгээ үзүүлж, худалдан авагчдын асуултад Японы дэлгүүрүүдтэй холбон мэргэжлийн зөвлөгөө өгдөг нь олон улсын хэрэглэгчдэд давуу тал болж байна. Иений ханш сул байгаатай холбоотойгоор Европ дахь үнээс хямд үнээр тансаг брэндийн хуучин цүнх худалдан авах боломж нэмэгдэж буйг салбарынхан онцолжээ.
Эх сурвалж: Japantoday
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!