Anglerfish буюу гэрэлт өгөөштэй гүний тэнгисийн загасны үржлийн зан үйл урьд өмнө таамаглаж байснаас хавьгүй этгээд болохыг шинэ судалгаа харуулжээ.
3,000 гаруй футын гүнд, бүрэн харанхуй орчинд амьдардаг эм anglerfish толгой дээрх гэрэлтдэг “өгөөш”-өө ашиглан зөвхөн ан хийхээс гадна хосоо татдаг байж болзошгүй аж. Судлаачид өмнө нь энэ гэрэлт эрхтэн зөвхөн олз татах зориулалттай гэж үздэг байсан ч шинэ судалгаагаар хос олоход чухал үүрэгтэй байж магадгүйг тогтоожээ.
Хамгийн хачирхалтай нь эр загас эмээсээ хэд дахин жижиг бөгөөд хосоо олсны дараа эм загасанд хазаж наалдан, насан туршдаа салдаггүй байна. Цаг хугацааны явцад эр загасны нүд, дархлаа зэрэг эрхтэнүүдийн үйл ажиллагаа алдагдаж, эм загасны биетэй бараг нийлэн зөвхөн үржлийн үүрэгтэй “дагуул эрхтэн” мэт болдог аж. Нэг эм загасанд зургаа хүртэл эр загас наалдсан тохиолдол ч бүртгэгджээ.
Судлаачдын үзэж буйгаар anglerfish-ийн гэрэлтдэг эрхтэн 34 сая жилийн өмнөөс хөгжиж эхэлсэн бөгөөд энэ нь зөвхөн ан хийх бус, харанхуй гүнд хосоо олох “дохио” болж, шинэ төрөл зүйлүүд үүсэхэд нөлөөлсөн байж болзошгүй байна.
Эх сурвалж: National Geography
.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!